بىزمۇ ھۆر بۇلۇپ يۈرگەيمىز
بىز ئىنسانلار ئەزەلدىن ئادەمنىڭ ئەۋلادىمىز ،
بىزنىڭ ئىسلام دىنىمىز شۇلارنىڭ تۇتقان يۇلى ،
مۇقەددەس "قۇرئان"مۇ ھەم، شۇلاردىن مىراسىمىز .
ئىسلام دەيمىز دىنىمىز شەرىتلىرىنى بىلمەيمىز ،
قۇران دەيمىز كىتابىم، ياكى ئۇقۇپ كۆرمەيمىز .
ئىنساپ ئىمان بىزلەردىن كەتتىمىكىن كۆتۈرلۈپ ،
بىر قېرىنداش، بىر مىللەت، بىر مەسجىدكە سىغمايمىز .
ئىتائەت ۋە بىرلىكنى ئاساس قىلغان دىنىمىز ،
ئىنسانغا قۇل بولۇشنى، ھارام قىلغان رەببىمىز.
ھۆرياشاش، ئەزىز ياشاش، بىزگە بىرىلگەن نىمەت،
شۇ نىمەتكە ئېرىشىش يوللىرىنى بىلمەيمىز .
بىرلىك دەيمىز ھەممەمىز، يا- بىرلىكنى بىلمەيمىز ،
ئەجدادىمىز ئىزىنى ياكى بېسىپ ماڭمايمىز .
بىرى چىقسا باش بولۇپ، ئىتائەتقۇ بىزدە يوق ،
ئالدىدا ھە.. دەپ قۇيۇپ، ئارقىسىدىن تىللايمىز .
شۇ سەۋەپتىن قۇل كەبى ئۈتمەكتەدۇر ھالىمىز ،
يارىمىغاچ ئاللاھ قا قىلغان دۇئا نالىمىز .
نىيەتلەر دۇرۇس بۇلۇپ، ئىبادەت خالىس بولسا ،
ئاللاھ بىزگە مەدەتكار ئۆزگىرىدۇ ھالىمىز .
بىز ئىنسانلار دۇنياغا باراۋەر يارالغانمىز ،
باراۋەر ياشاشقىمۇ، بىز ھەممىدىن مۇھتاجمىز .
شۇنىڭ ئۈچۈن ئۇيغۇرۇم بۇ غەپلەتتىن ئويغۇنۇڭ،
شۇ قۇللۇقتىن قۇتۇلۇپ بىزمۇ " ھۆر" بۇلۇپ يۈرگەيمىز .
ئا.مۆلجەرلى
( قازاقىستان )
(2004-10-10)