ھېكمەتلەر خەزىنىسىدىن تەرمىلەر
لوقمان ھېكىم :
_ " كىمكى كۆپ يېيىشتىن ساقلانسا ، كۆپ دورا يېيىشتىن ئازاد بۇلىدۇ " .
_ " بىر كۈندە بىر قېتىم تاماق يېيىشنى مەشىق قىل ، يېگەن تامىقىڭ ھەزىم بولماي تۇرۇپ، ئۈستىگە يەنە يىمە " .
ئالىملاردىن باھاۋۇددىن :
_ " تۈۋەندىكى ئشلار ئادەمنىڭ دائىما سالامەت يۇرىشىگە سەۋەپ بۇلىدۇ: ئاز يىيىش، ئاز سۆزلەش ، ئاز ئۇخلاش، ئاز ئىشرەت قىلىش، ئۆزىنى يېقىملىق نەرسىلەر بىلەن مۇئتتەر (خۇشبۇي) قىلىپ يۈرۈش ۋە پات - پات ھاممامغا بېرىش " .
نۇشۇرۋان پادىشا بىر يىگىتتىن سورايدۇ :
ئەڭ ياخشى تاماق قانداق تاماق ؟
_ " شەھۋانى خىرىسنى كۈچەيىتمەيدىغان ۋە تەندە ھىچقانداق ئىللەت پەيدا قىلمايدىغان تاماق "_ دەپ جاۋاپ بېرىدۇ .
نۇشۇرۋان يەنە :
گۈللەرنىڭ ئەڭ خۇشبۇيى قايسى ؟
_ " ئەڭ خۇشبۇي پۇراقلىق گۈل ئاتا - ئانىسنى ھايات چېغىدا رازى قىلىدىغان، ئۆلگەندىن كېيىن بولسا ئۇلارنىڭ نامىنى ئەبەدىلەشتۈرىدىغان، ئېتىقادلىق - قابىل پەرزەنت "_ دەپ جاۋاپ بېرىدۇ ، يىگىت .
نۇشۇرۋان ئۇ يىگىتنى تەقدىرلەپ ئۆز ھەكىملىرى ئارىسىغا ئالىدۇ .
نۇشۇرۋان ئۇ يىگىتنى تەقدىرلەپ ئۆز ھەكىملىرى ئارىسىغا ئالىدۇ .
مەنبە _ ھېكمەتلەر خەزىنىسى
ئا. مۆلجەرلى