باتۇر ئوغلانلار
ئاسماننى بېزىسە كۆپ-كۆك بۇلۇتلار،
ئېچىلسا رەڭگارەڭ گۈللەر زېمىندا،
تارقايدۇ ئالەمگە خۇشبۇي پۇراقلار .
دەريانى بېزىسە شاۋقۇنلاپ سۇلار ،
دېڭىزنى بېزەيدۇ دولقۇنلاپ سۇلار .
ئادەملەر سۇ كەبى بىر دولقۇنلىسا،
ئالەمگە ئاڭلىنار سادا - شاۋقۇنلار .
چۆللەرنى بېزىسە گىياھسىز سايلار ،
تاغلارنى بېزەيدۇ ئېرىمەس قارلار .
ئېگىلسە شامالغا مەجنۇن تاللار ،
ئېگىلمەس ۋىجدانلىق چىنار- قارغايلار.
جەڭگاھنى بېزىسە باتۇر پالۋانلار ،
قىلسىمۇ مىڭ زۇلۇم قانخور ياۋلار ،
سالسىمۇ پۇت-قولغا زەنجىر، تاقاقلار.
تۆكۈلسە دەريالاپ ئىسسىق قانلار ،
تىك تۇرار مىسالى سابىت، ئۇيغۇرلار.
باھار دەپ سايرايدۇ مىليۇن جانلار ،
ئۈمۈد بىلەن كۈتىدۇ ئۆتسە يىل-ئايلار .
ھۆرلۈك دەپ شەھىد بولدى مىليۇن ئىنسانلار ،
ۋازكەچمەس يۇلىدىن ئۆتسە "مىڭ" ئايلار .
ئېگىلمەس ۋىجدانلىق چىنار- قارغايلار.
جەڭگاھنى بېزىسە باتۇر پالۋانلار ،
پالۋاننى بېزەيدۇ نەيزە قالقانلار .
باش ئەگسە رەقىپكە ۋىژدانى يوقلار ،
ئۆلسىمۇ تىز پۈكمەس باتۇر ئوغلانلار .
قىلسىمۇ مىڭ زۇلۇم قانخور ياۋلار ،
سالسىمۇ پۇت-قولغا زەنجىر، تاقاقلار.
تۆكۈلسە دەريالاپ ئىسسىق قانلار ،
تىك تۇرار مىسالى سابىت، ئۇيغۇرلار.
باھار دەپ سايرايدۇ مىليۇن جانلار ،
ئۈمۈد بىلەن كۈتىدۇ ئۆتسە يىل-ئايلار .
ھۆرلۈك دەپ شەھىد بولدى مىليۇن ئىنسانلار ،
ۋازكەچمەس يۇلىدىن ئۆتسە "مىڭ" ئايلار .
ئا.مۆلجەرلى
2009-4-18