مەككە فىراقى

«مەككە  فىراقى»

 لەببەيك - لەببەيك، لەببەيكەللاھۈممە لەببەيك!
لەببەيك - لەببەيك، لاشەرىكەلەكە لەببەيك!
ئىننەل ھەمدە، ۋەننىئ‍مەتە لەكە ۋەلمۇلك،
لا شەرىكە لەك !!! 

لەببەيىك! دەپ باشئېگىپ رەببىم ئەمرىگە،
ئەمەل قىلىپ رەسۇلۇللاھ سۈننەتلىرىگە.
تەكبىر ئېيتىپ يۈگۈردۈم سەفا-مەرۋىگە،
تۆۋبە بىلەن يۈزلۈنۈپ ئۇلۇغ كەبىگە!.

ئاللاھقا يالۋۇردۇم ئەسۋەدنى سۆيۈپ،

بەندىمەن، ئازدىممەن، بىلىپ ۋە بىلمەي.

رەھمان سەن، رەھىم سەن، غاففار ئىگەمسەن ،

كەچۈرگىن بەندەڭنى ئاسيىسەن دىمەي  .

خوشلاشتىم ھەرەمدىن كۆزۈمنى ئۈزمەي،

توختىماي دۇئادىن دائىم قول ئۈزمەي .

يا ..رەببىم نەسىب قىل كېلىشكە يەنە،

شۇ رەھمەت زەم زەمدىن يەنە بىر ئىچەي.

ئەلۋىدا، ئەي ھەرەم خوشلۇشۇپ كېتەي ،

كەبەڭگە يۈزلۈرۈمنى سۈرتىۋېپ كېتەي.

ئەگەر نەسىب بولمىسا يەنە كېلىشكە،

 جەننەتى زەمزەمىڭنى بىر ئۆمۈر ئىچەي.

   (م١٩٩٧/ ھ ١٤١٨رمضان)

 (بۇرۇنقى خاتىرەم)