قۇرئان كەرىم ئايەتلىرى مەزمۇنىدىن قىسقىچە 10 سۇئال .
1- بسم اللە الرحمن الرحيم _ قۇرئان كەرىمنىڭ قايسى سۈرىسىدە ئىككى يەردە كىلىدۇ ؟
2- ئاللاھ تائالانىڭ، پەيغەمبىرىمىز مۇھەممەد ئەلەيھىسسالامغا قىلغان بىرىنجى بۇيرۇق سۆزى (ۋەھىسى) قايسى كەلىمە ؟
3- قۇرئان كەرىمدە، پەيغەمبىرىمىز مۇھەممەد ئەلەيھىسسالامنىڭ (محمد) ئىسمى قانچە جايدا تىلغا ئېلىنىدۇ ؟
4- قۇرئان كەرىمدىكى، ئىككى پەيغەمبەرنىڭ ئىسمى بىلەن ئاخىرلىشىدىغان بىر سۈرە قايسى ؟
5- قۇرئان كەرىمنىڭ ئوتتۇرسى ھىساپلىنىدىغان بىر ئايەت بار “ئېھتىيات قىلسۇن“ ئۇ ئايەت كەلىمە قايسى سۈرىدە كېلىدۇ ؟
6- قۇرئان كەرىمدىكى قىسسەلەر ئىچىدە، ھاشارەتلەر بىلەن قۇشلار ئىچىدىن ئىككىسىنىڭ سۆھبىتى (سۆزلىگەنلىكى) بايان قىلىنىدۇ، ئۇلار قايسىلار ؟
7- قۇرئان كەرىمدە، قىيامەت كۈنى بەزى ئىنسانلارنىڭ ئاغزى پىچەتلىنىپ قۇلى بىلەن بۇتى سۆزلەيدىغانلىقى بايان قىلىنغان بىر سۈرە بار، ئۇ قايسى سۈرە ۋە قايسى ئايەت ؟
8- ئاللاھ تائالا قۇرئان كەرىمدە، مۇئىمىنلەرنىڭ جانلىرىنى ۋە ماللىرىنى جەننەت بىلەن سېتىۋالغانلىقىنى بايان قىلدى، ئۇ قايسى سۈرىدە كېلىدۇ ۋە ئۇلار قانداق سۈپەتكە ئىگە كىشىلەر ؟
9- ئاللاھ تائالا قۇرئان كەرىمدە، ئىككى تۈرلى كىشىلەرنى بايان قىلىپ، ئۇلار بىر-بىرلىرى بىلەن (ھەرگىز بارابەر بۇلالمايدۇ) دىدى، ئۇلار قانداق كىشىلەر ؟
10- قۇرئان كەرىمنىڭ بىر سۈرىسى "مۇئىمىنلەر نىجات تاپتى" دىگەن بىشارەت بىلەن باشلاندى ۋە ئۇلارنىڭ ئون تۈرلى سۈپىتى ئارقىمۇ-ئارقا بايان قىلىندى، ئۇ قاسى سۈرە ۋە ئۇلار قايسىلار ؟
تۈزگۈچى— ئا ... مۆلجەرلى
يۇقارقى سۇئاللارنىڭ جاۋابى
1- 27- سۈرە نەملىدە - {سۈرە بېشىدا ۋە 30- ئايەتتە } كەلىدۇ .
2- 96- سۈرە ئەلەق - سۈرە بېشى { اقرا بسم ربك الذى خلق} "ياراتقان رەببىڭنىڭ ئىسمى بىلەن ئۇقۇ" كەلىمىسى .
3- قۇرئانى كەرىمدە، پەيغەمبىرىمىز مۇھەممەد ئەلەيھىسسالامنىڭ {محمد} ئىسمى تۆت جايدا كېلىدۇ .
4- 87- سۈرە ئەلا، بۇ سۈرەنىڭ ئاخىرى { ئىبراھم ۋە مۇسا} ئىككى پەپغەمبەرنىڭ ئىسمى بىلەن ئاخىرلىشىدۇ .
5- 18- سۈرە الكھف 19- ئايەتتە {وليتلطف} كەلىمىسى، قۇرئانى كەرىمنىڭ ئوتتۇرسى ھىساپلىنىدۇ .
6- قۇرئانى كەرىمدە، تۈرلى قۇشلار ۋە ھاشارەتلەر بايان قىلىنغان بۇلۇپ، ئۇلاردىن سۆزلىگەنلىرى {چۆمۈلە بىلەن ھۆپۆپ}.
7- ياسىن سۈرىسى 65-ئايەتتە، قىيامەت كۈنى بەزى ئىنسانلارنىڭ ئاغزى پىچەتلىنىپ قۇلى بىلەن پۇتى سۆزلەيدىغانلىقى بايان قىلىنىدۇ.
8- سۈرە تەۋبە111-ئايەتتە، ئاللاھ يۇلىدا جىھاد قىلىپ {ئۆلتۈرگەن ۋە ئۆلتۈرۈلگەن} لەرنىڭ جانلىرىنى، جەننەت بىلەن سېتىۋالغانلىقىنى بايان قىلىندۇ.
9- قۇرئان كەرىمدە- كۆرسىتىلگەن بىر-بىرلىرى بىلەن بارابەر بۇلالمايدىغان ئىككى تۈرلى كىشىلەرنىڭ سۈپەتلىرى : { ئاللاھ يۇلىدا جىھاد قىلغانلار بىلەن ئۆزرىسىز جىھادقا چىقمىغانلار، ئاللاھ يۇلىدا جىھاد قىلغانلار بىلەن ھاجىلارغا سۇ بەرگەن ۋە ھەرەم مەسجىدىنى تەمىر قىلغانلار، ئاللاھتىن قورىققۇچى ئىلىم ئىگىلىرى بىلەن جاھىل-بىلىمسىزلەر، كۆرىدىغانلار بىلەن (ھەقنى كۆرمەس) كور-ئەمالار بارابەر بۇلالمايدۇ}. دەپ بايان قىلىنىدۇ .
10- 23-سۈرە المۇمنۇن، ئۇلارنىڭ سۈپەتلىرى { مۆمىنلەر، نامازدا ئاللاھتىن قورقۇپ تۇرغۇچىلار، بىھۇدە-لەغۋى ئىشلاردىن يىراق تۇرغۇچىلار، زاكاتنى ئادا قىلغۇچىلار، جىنسى ئەزالىرىنى ھارامدىن ساقلىغۇچىلار، پەقەت ھالال ئايالى ۋە ھالال بولغان دىدەكلىرى بىلەن بۇلۇپ پىتنە-ئىغۋادىن ساقلانغۇچىلار، ئاللاھنىڭ بەلگىلىمىسىگە رىئايە قىلغۇچىلار، ئۈستىدىكى ئامانەتكە ۋە ئەھدىسىگە رىئايە قىلغۇچىلار، نامازنىڭ ۋاقتىنى ساقلىغۇچىلار، ئەنە شۇلار مىراسخورلار، ئۇلار جەنناتۇل-فىردەۋىسنىڭ مىراسخورلىرى بۇلۇپ، ئۇلار ئۇ جەننەتتە مەڭگۈ قالغۇچىلاردۇر} .
مېھرىبان ئاللاھ بارچىمىزنى شۇ سۈپەتلەرگە ئىگە بولغان مۇمىن بەندىلىرىدىن قىلىپ، ئەڭ ئالى ماكان جەنناتۇل پىردەۋىسنىڭ مىراسخورلىدىن قىلسۇن .
ئامىن ئامىن ئامىن
ئامىن ئامىن ئامىن
تۈزگۈچى - ئا ... مۆلجەرلى
2011-10-10