ئېگىلمەيدۇ مۆلجەرتاغ

ئېگىلمەيدۇ مۆلجەرتاغ

ئەسسالام ! دەپ تەشرىپ قىلدىم تورئايىمغا،  

جاۋاپ بەردى ئەزىز دوستلار سالامىمغا .

ئارزۇ-ئىستەك، تىلەكلەردىن يايراپ دىلىم ،

يازاي دىدىم، كۆرگەنلەرنى ھاياتىمدا .

كۆپتىن بېرى غەمكىن يۈرگەن ئۆتكۈر قەلەم،
يازماق بولدى جۇقان سېلىپ بىرەر رومان .
تىزگىنىنى تارتىپ دىدىم تۇر، سەبرى قىل،
ئاشقازانغا ئېغىر كېلەر يازساڭ داستان .

نەتىجىدە، شۇنداق بولدى ئۇزۇن ئۆتمەي،
خازان بولدى، ۋايىغا يەتمەي سادالىرىم.
چۈشەنسىمۇ مەقسىتىمنى، بولدى ئەخلەت، 
تۈن-كېچىلەپ، ئەجىر قىلىپ يازغانلىرىم .

سەرگۈزەشتەم شۇنچە كۆپتۇر ئەزىز دوستلار،
يېزىپ سىزگە سۇنماق ئىدى، ئارمانلىرىم .
تارىم، بۇغدا، تاخخار، پامىر، ياۋرۇ-ئاسىيا،
ئوتتۇز دەۋلەت، ئۇنبەش يىلدا كۆرگەنلىرىم .

ئەلەم بولدى، سىردىشالماي ئازار يىيىش،
ئۆچۈرۈلگەچ مىڭدىن بىرنى يازغانلىرىم .
يازغان بولسام شۇ داستاننى ئۆزگە تىلىدا،
خاتىر قىلىپ ساقلار ئىدى ئۇيغۇرلىرىم .

قەلەم تۇردى ! ئەلەم ئەزدى دىلىمنى ،
كەلگەن بولغاچ بۇ ئازارلار ئۇيغۇردىن .
ئېگەلمىگەن، ئېگىلمەيدۇ مۆلجەرتاغ ،
ئەنە شۇنداق ياشاپ كەلگەن ئەزەلدىن .

ئا. مۆلجەرلى 

2012-07-24