ياڭرىدى شۇنداق ئۇيغۇر ساداسى
بىر-بىرىدىن ئوماق بالىلار ،
تۇرار ئىدى سەپتە ”گىم“① ئۇقۇپ.
قارىشاتتى ”كۆپ-كۆك“ بايراققا،
ھاياجاندىن چەكسىز روھلۇنۇپ .
ھەممە تۇرۇشتى ئېھتىرام بىلەن،
سەبىلىرىمىز سەپتىن ئۆتكەندە .
ئەۋلاتلىرىمىز قايتا روھلاندى،
كۆك بايراقنى كۆكتە كۆرگەندە .
ھاڭ-تاڭ قالدى غەرىپ ئەللىرى،
ئۇيغۇر ئوغلى "گول"نى تەپكەندە.
جەۋلان قىلىدى ئاي-يۇلتۇز بايراق،
ئۇيغۇرغا شەرەپ - غەلبە كەلگەندە.
ياڭرىدى شۇنداق ئۇيغۇر ساداسى،
ياۋرۇپادا - بارچە ئەللەردە .....!
قايتا تۇنۇلدى ئۇيغۇر پۇتبولى،
ئەسىر ئۆتكەندە② شىۋىتسىيەدە.
ئارقا-ئارقىدىن ئۇرۇلغان توپلار،
ياڭراتتى شۇنداق دۇنياغا سادا،
بۇلارنى كۆرگەن بارچە ئاخبارات،
تارقىتاتتى ھەر تارالغۇدا ....!
سورىشاتتى ھەيرانلىق بىلەن،
بۇلار قايسى "پىلانىت" لىقلار ؟
كۆرمىگەنئىدۇق پۇتبول-بەيكىدە،
بۇنداق ماھىر، چىۋەر بالىلار ؟.
ئانا يۇرتىمىز تەكلىماكانلىق ،
تەڭرىتاغلىق ئۇيغۇر بالىلار.
ياشاپ كەلگەنمىز يىپەك يۇلىدا،
قالدۇرغان ھەم ئۆچمەس تارىقلار .
بۇنى ئاڭلىغان غەرىپ ئەللىرى ،
ئېغىز تۇتۇشتى ھەيرانلىق بىلەن.
دىيىشتى، بۈيۈك ئۇتۇق تىلەيمىز،
تىرىشىڭلار دادىللىق بىلەن .
※
ئەي قەدىردان جان-جىگەرلىرىم،
يۈكسىلىڭلار باتۇرلۇق بىلەن ،
غەلبە ھامان سىلەرگە مەنسۇپ،
كېلەچەك ھەم "شۇ ئۈمۈد" بىلەن.
ئا. مۆلجەرلى
2012-07-18
① گىم - مۇسابىقە باشلىنىش ئالدىدا ئۇقۇلغان مارشلار .
②ئەينى چاغدا ئەنگىلىيە كونسۇلىغا ئۆزىنى تۇنۇتقان ئۇيغۇر پۇتبولى، ئارىدىن بىر ئەسىر ئۆتكەندە شىۋىتسىيەدە قايتا تۇنۇلدى.