ئۇيغۇر - ئۆزبېك بىرتۇققان
ئۇلۇغ رەببىم بىزلەرنى بىر قەۋىم قىلىپ ياراتقان ،
يوقتۇر بىزنىڭ پەرقىمىز ئۇچى-بۇچى دەيدىغان .
ئۇيغۇر-ئۆزبېك بىرتۇققان، قېرىنداش بوپ ياشىغان.
ئىنسانلار ئالىمىگە چەكسىز تۆھپىلەر قاتقان،
ئەمىر تېمۇر، ناۋايى، سۇلتان سۇتۇقلار ئۆتكەن،
ئۆزبېك-ئۇيغۇر باشقا دەپ، كىملەر بىزنى ئايرىدى ؟.
ئىلىم - ئىرفان بابىدا، دۇنياغا نام تاراتقان.
كەشپىيات ھەم ئەدەبىيات پەنلىرىنى ياراتقان.
مەھمۇد، يۈسۈپ، فارابى، ناۋايىلار ئۆتكەن،
مەھمۇد، يۈسۈپ، فارابى، ناۋايىلار ئۆتكەن،
ئۆزبېك-ئۇيغۇر باشقا دەپ، كىملەر بىزنى ئايرىدى؟.
ئۇستاز بۇلۇپ جاھانغا “ئۆلمەس ئەسەر“ ياراتقان،
ئىمام بۇلۇپ ئىسلامغا “سەھىھ ھەدىس“ تاراتقان .
بۇخاري ۋە تىرمىزي، تەجەللىي، ئابدۇقادىرلار ئۆتكەن،
ئۆزبېك-ئۇيغۇر باشقا دەپ، كىملەر بىزنى ئايرىدى ؟.
بىز ئەزەلدىن بىر ئىدۇق، بىرلىكتە قەدەم باسقان،
ياۋغا قارشى ھەرزامان، بەلۋاغقا قىلىچ ئاسقان .
نەرە تارتىپ جاھانغا ھەرتاشقا مۆھۈر باسقان ،
ئۆزبېك-ئۇيغۇر باشقا دەپ، كىملەر بىزنى ئايرىدى ؟.
ئاكا-ئۇكادەك ياشايمىز، بىز ئەزەلدىن بىرتۇققان ،
قان-قېرىنداش ھەم دىنداش، ئىسلامنى مەھكەم تۇتقان.
ئايرىيالماس بىزلەرنى، نا ئەھلى شەيتان تۇغقان،
ئايرىلمايمىز چۈنكىبىز “ئىمانلىق، قۇرئان تۇتقان“.
ئۆزبېك-ئۇيغۇر باشقا دەپ، كىملەر بىزنى ئايرىدى ؟!!!.
(ئا.مۆلجەرلى)
2012-09-24